Pneumologu Arben Tanka ka bërë sot një thirrje për të gjithë ata preken nga koronavirusi. Mjeku tha së në asnjë nuk rekomandohet kurimi i covid-it të zgjatur në shtëpi dhe se ky është gabimi më i madh që bëjnë shumë prej tyre.
“Për covid-in e rëndë ndjekja në shtëpi është e pakëshillueshme. Nëse një person që do të dojë analiza njëherë në 3 ditë është e pamundur që ta ndjekë, plus që është dhe infermieri që duhet shkojë në shtëpi edhe mjeku duhet ta vlerësojë njëherë në 3 ditë. Prandaj është e kotë të japim këshilla për rastet e rënda në shtëpi. Rastet e rënda është e padiskutueshme që kërkojnë spitalin”, shtoi më tej ai.
Sipas tij, për momentin arma më e mirë përballë COVID dhe kësaj situatë pandemike është vaksinimi, duke shtuat se asnjë moment nuk duhet të harrojmë higjienën personale. “Ka njerëz që kanë mbi 6 muaj me lodhje kronike, lodhje muskujsh, kyçesh, kanë ankthe. Problemet me mushkërinë s’mund të zgjasin kaq larg, kur një person fillon të rikuperojë. Probleme të përhershme do jenë fibroza që do ngelen në mushkëri. Në këtë situatë që jemi vaksinimi është kryefjala. Të shtruarit janë dominuar nga persona të pavaksinuar”, u shpreh ai. Sipas mjekut, në covid i zgjatur dhe në një formë të rëndë ka risk të madh edhe për të humbur jetë.
Discussion about this post