“Po bëhet manipulim masive me votën e shqiptarëve në Greqi”- Topalli: Qytetarët s’po marrin dot zarfet, ndërsa në Tiranë vijnë kuti të mbushura! KQZ t’i mbajë të veçuara

Drejtuesja politike e PD për diasporën, Jozefina Topalli ka denoncuar sërish manipulimin që sipas tyre po bëhet me votën e shqiptarëve në Greqi.

Topalli tha se qytetaret nuk po marrin dot zarfet per te votuar, nderkohe qe ne Tirane vijne kuti te mbushura me vota.

Po ashtu, Topalli  i beri thirrje KQZ qe keto kuti ti mbaje te veçuara, pasi ata dyshojne se ka manipulim te votave.

“Ne si forcë politike nuk jemi për sanksione, por për ruajtjen e integriteti. I bëjmë thirrje KQZ që kutitë që vijnë nga Greqia të trajtohen në mënyrë të veçantë  dhe mos bashkohen me vendet e tjera meqë ne kemi dyshime për skemën e manipulimit të votës. Përsëris thirrjen ndaj OSBE ODIHR  që të ketë vëmendje të veçantë me atë që po ndodh me manipulimin e votës në Greqi. SPAK i përsëris që të hetojë këtë skemë”.

Topalli: Vazhdojmë të kemi skema të krimit zgjedhor. Është kthyer jo në shqetësim, por në një alarm të fuqishëm për integritetin e votës në Greqi. Gjatë kësaj periudhe kemi shprehur shqetësimin tonë të qytetarëve që jetojnë në Greqi, që ata e kanë të pamundur të marrin zarfet. Ata nuk i gjejnë zarfet as në lokalet e kontraktuar nga DHL. Ndërkohë që nuk kanë mundësi të votojnë, këtu në Tiranë vijnë kuti të pafundme me fletë të plotësuara. Nga Greqia vijnë kuti të mbushura, ndërkohë që qytetarët nuk marrin dot zarfet. Ndërkohë nga vendet e tjera numri i kutive është i papërfillshëm. Ajo që kemi dyshuar është që shpërbemin postar aty të nën kontraktorëve po e bën pushteti i Tiranës. Kjo e kthen në një problem të madh manipulimin masiv që po bëhet në Greqi.

I kërkojmë KQZ, që thotë se për thyerjen e standardeve do sanksionohen nënkontratkorët. Ne si forcë politike nuk jemi për sanksione, por për ruajtjen e integriteti. I bëjmë thirrje KQZ që kutitë që vijnë nga Greqia të trajtohen në mënyrë të veçantë  dhe mos bashkohen me vendet e tjera meqë ne kemi dyshime për skemën e manipulimit të votës. Përsëris thirrjen ndaj OSBE ODIHR  që të ketë vëmendje të veçantë me atë që po ndodh me manipulimin e votës në Greqi. SPAK i përsëris që të hetojë këtë skemë.