E shokuar, 22-vjeçarja greke ka rrëfyer skenën e përdhunimit nga një 56-vjeçar shqiptar në plazhin Halkidikit.
Duke folur për MEGA TV, vajza ka përshkruar momentet tronditëse që ka përjetuar: “Isha shtrirë me shpinë për të bërë banjë-dielli. Kur në një moment ktheva fytyrën, ndjeva se dikush më sulmoi. Më kapi nga koka dhe më goditi. Pastaj nuk mbaj mend asgjë. S’munda dot t’i shpëtoja nga duart. Shpresoj që asnjë gruaje tjetër të mos jetë kurrë në vendin tim”
22-vjeçarja e ka identifikuar 56-vjeçarin shqiptar i cili tashmë është dënuar me burg. Ndërkaq avokati i vajzës deklaroi se përdhunuesi është duke vuajtur edhe dënimin me burg për vrasje, shkruajnë mediat greke.
Nga ana e tij, shqiptari ka mohuar akuzat dhe ka pranuar t’i nënshtrohet testit të ADN-së.
Discussion about this post