Po bënte gara, humb kontrollin dhe përplas makinën tjetër, dy të plagosur në Vlorë

Një aksident ka ndodhur pak minuta më parë në qytetin e Vlorës.

Burime për Gijotina.com, bëjnë me dije se një automjet tip “Honda”, ishte duke bërë gara me një automjet tjetër. Një nga makinat ka humbur kontrollin dhe është përplasur me një makinë tjetër, tip “Ford”.

Si pasojë e aksidentit, kanë mbetur të plagosur një grua dhe djal, të cilët janë dërguar menjëherë në spital. Ndërsa drejtuesi i mjetit “Honda” është shoqëruar në komisariatin e Vlorës.

Ndërkohë Policia ndodhet në vendin e ngjarjes ku po punon për zbardhjen e rrethanave të plota të aksidentit.