Një aksident automobilistik ka ndodhur në qendër të Beratit. Mësohet se rreth 500 metra larg Drejtorisë Vendore të Policisë, mjeti tip Toyota me targa BR 1738 B, ka qenë duke qarkulluar me shpejtësi. Por pasi ai ka humbur kontrollin, është përplasur fillimisht me shtyllën e tensionit të lartë dhe e ka hedhur poshtë, duke përfunduar më pas mbi trafikndarësen e rrugës.
Fatmirësisht mjeti nuk ka dëmtuar asnjë kalimtar në këtë aks që është gjithmonë i populluar.
Mësohet se drejtuesi i mjetit ishte duke qarkulluar me shpejtësi drejt Spitalit Rajonal Berat pasi bashkëshortja e tij që ndodhesh me të në makinë ishte e sëmurë. Burimet policore nga vendngjarja bëjnë me dije se shkak për aksidentit është bërë një defekt në mjet. Sipas të njëjtave burime, mësohet se mjetit i ka rënë në shesh koka e paralelit dhe kjo ka sjellë edhe humbjen e kontrollit të mjetit nga ana e drejtuesit të saj 65 vjeç nga fshati Tomorr.
Discussion about this post