Një zjarr i vënë aksidentalisht mori përmasa katastrofike në Mimias, në Berat, duke djegur sipërfaqe të mëdha me ullinj fiq e shkurre.
Zjarri ishte vetëm disa kilometra larg lagjes periferike “Uznovë” të këtij qyteti.
Forca të shumta zjarrfikëse në zonë kanë mundur të lokalizojnë flakët dhe të vënë në kontroll zjarrin, ndërkohë që puna vijon ende pasi në të gjithë territorin ka vatra të nxehta akoma.
Nga të dhënat paraprake raportohet për 200 rrënjë ullinj të shkrumbuar, 30 rrënjë fiq dhe 40 hektar sipërfaqe me shkurre e ferra. Burime nga Reparti Zjarrfikës konfirmojnë se zjarri është vënë aksidentalisht nga një banor i lagjes “Uznovë”, që ishte duke djegur grerëzat në një pemë, por zjarri i doli nga kontrolli dhe mori përmasa të mëdha, i favorizuar edhe nga era e temperaturat e larta.
Discussion about this post