Një turiste gjermane dhe dy fëmijët e saj 13 dhe 15 vjeçarë janë ndihmuar nga policia, pasi kishin mbetur të bllokuar në kanionet e lumit Erzen.
Policia bëri të ditur se rreth orës 17:10, në kanionet e lumit Erzen, duke eksploruar natyrën, dyshohet se është dëmtuar, në një zonë me terren shumë të vështirë, shtetasja gjermane K. B., 39 vjeçe, e cila shoqërohej nga dy fëmijët e saj 13 dhe 15 vjeç.
Për shkak të terrenit të vështirë dhe të thepisur dhe të largësisë së vendit nga zona që mund të përshkohet me automjete, është kërkuar ndërhyrja e helikopterit, me qëllim ofrimin e ndihmës për shtetasen e dëmtuar.
Pas dhënies së ndihmës së parë, 39-vjeçarja është transportuar me helikopter, drejt Spitalit të Traumës.
Nga raportimet mësohet se turistja gjermane ka pasur fraktura në këmbë e duar.
Discussion about this post