Një 19-vjeçar shqiptar ka humbur jetën si pasojë e një aksidenti fatal që ndodhi në rrugën Itali. Viktima është identifikuar si Kevin Murataj. Ai u përplas nga një automjet, pasi doli nga një piceri me shokët e klasës.
Ngjarja tragjike ndodhi rreth orës 23:30 të së premtes së 26 majit, kur Kevin Murataj, djalë i një familjeje shqiptare, së bashku me shokët e klasës dhe mësuesit e tij, po dilnin nga piceria “Stadio” në Lignano Sabbiadoro, për të shkuar në diskotekën Charlie dhe për të vazhduar festën e maturës.
Viktima u përplas nga automjeti teksa po ecte te vizat e bardha në rrugën Lignano.
I riu, i lindur në Foggia dhe banues në Latisana, ishte student i Mattei di Latisana. Pikërisht me klasën e tij po festonte fundin e rrugëtimit të shkollës së mesme: grupi kishte zgjedhur një piceri pranë stadiumit Teghil, në viale Europa, ku ka ndodhur edhe aksidenti fatal.
Megjithë ndihmën mjekësore, 19-vjeçari nuk arriti të shpëtonte.
Discussion about this post