Kryeministri Edi Rama, i shoqëruar nga një pjesë e kabinetit qeveritar zhvilloi ditën e djeshme një vizitë në Egjipt, ku u prit me ceremoni zyrtare, nderimet më të lartë.
Ish-deputeti Myslim Murrizi e cilësoi skandal mungesën e flamurit të Shqipërisë në momentin e ceremonisë së pritjes së Edi Ramës nga Kryeministri i Egjiptit, Mostafa Madbouly.
Nuk munguan edhe disa komente në videon që kreu i qeverisë shpërndau në faqen e tij në Facebook, ku njëri nga ndjekësit shkruante me ironi se “po flamuri shqiptar ku është, e mori era?”.
Për t’i dhënë fund të gjithë debatit mendoi vetë kreu i qeverisë, i cili i ktheu përgjigje komentuesit duke e sqaruar se “nuk vendoset flamuri i shtetit tjetër në ceremonialin ushtarak të mikpritjes, rregull elementar në gjithë botën”.
