Fermerët e Devollit kanë dalë sot në protestë për të kundërshtuar rritjen e çmimeve dhe gjithashtu kërkojnë reduktimin e taksave. Ata po zhvillojnë protestë përballë Drejtorisë së Bujqësisë në Korçë dhe shprehen se nuk do të ndalen, pasi në këtë situatë ata po shkojnë drejt falimentimit total.
Në një prononcim për mediat ata shprehen se çdo ditë gjendja ekonomike po bëhet më e vështirë, prandaj i kërkojnë qeverisë që t’u lehtësojë barrën e taksave. “Po fundosemi, protestat nuk i ndalim derisa të plotësohen kërkesat tona. Çmimi i naftës është kryesorja”, u shpreh një prej tyre. Kujtojmë se përveçse në Tiranë, protestat për uljen e çmimeve vazhdojnë prej një jave në shumë qytete dhe të revoltuar protestuesit shprehen se do vazhdojnë derisa të plotësohen kërkesat e tyre.
Discussion about this post