Porti i Durrësit është kthyer në “mollë sherri” mes maxhorancës dhe opozitës në seancës e sotme të Kuvendit. Kundër këtij projekti është edhe deputeti demokrat Agron Shehaj, i cili tha se kryeministri Edi Rama ka dy vjet që gënjen dhe se nuk është “Emaar Group” që qëndron pas ndërtimit të Portit.
Nga foltorja e Kuvendit, Shehaj deklaroi se nuk ka asnjë informacion për kompaninë që do ndërtojë, pasi nuk dihen as pronarët e saj, bilancet apo xhirot vjetore.
Lexo edhe: Rama e kërcënon me gjyqin, Salianji: Po vjedh llokmë të madhe
“Pyetja e parë për kryeministrin është: Për kë kompani “Eagle Hills” flet? Për këtë kompani nuk dimë pronarët, bilancet, as xhirot vjetore Kryeministri ka 2 vjet që gënjen shqiptarët që kompania që do të ndërtojë është Emaar, tani kemi 2 statuse të kryeministrit në një 30 mars, tjetri 16 prill ku thuhet se porti i ri turistik i ndërtuar nga Emaar do të injektojë 2 miliard dollarë. Që nuk është Emaar është e qartë dhe ne duhet tu themi të vërtetën shqiptarëve. Më thoni kjo është marrëveshja, ku është Emaar Group.
Pyetja e 3 dhe këtu nuk kemi të bëjmë me gënjeshtra, sepse gënjeshtra nuk është vepër penale, por kjo është shkelje e ligjit.
Vendimi për shpalljen e kompanisë së sapo krijuar si investitor strategjik kishte nevojë si garantues, dhe është vendosur një kompani. Është shkelur ligji se vlera e kapaciteteve mund të dëshmohet nëse është një kompani me historik, se ministrja gënjen se nuk lejohet transferimi i kuotave. Ligji kërkon një dëshmi të fortë për kapacitetet financiare dhe ofrimi i garancive nga banka. Ju keni vendosur në këtë vendim NSHMI, që nuk dimë asgjë, që nuk është as institucion financiar dhe bankar. Do ishte mirë të ishte edhe kryeministri të përgjigjej. Sa herë që nuk kanë cfarë të thonë, fillojnë e shajnë”, tha Shehaj.
Discussion about this post