Ish-zv.kryeministri Erion Braçe edhe gjatë kësaj seance plenare nuk i ka kursyer kritikat ndaj qeverisë. Këtë herë ai ka vënë fokusin tek sektori I bujqësisë, ku u shpreh se në treg po abuzohet llahtarshëm me çmimet, teksa bëri dhe një krahasim të çmimeve me të cilat ata tregtohen nga një zonë në tjetrën.
“Çmimet, përtej inflacionit që e ka kaluar targetin 3%, në treg ka abuzim të llahtarshëm me çmimet, abuzim që po ndodh sot në treg me çmimet veçanërisht me ato bujqësore dhe blegtoral, ka efekt, që mbi konsumatorin, po lë stok produktet e buqëve tanë. Patatja që sot në Divjakë shitet me 40 lekë, këtu matanë është me 80 lekë, lulelakra në Divjakë 1.5 lekë këtu shitet me 200 lekë, preshi që në Divjakë shitet me 2.5 lekë aty matanë është 50 lekë, karota sot në Divjakë me 40 lekë, atje matanë më 80 lekë.”
Sipas tij përveç inflacionit, ky abuzim po gërryen xhepat e qytetarëve si dhe po dëmton bujqit. Ai u shpreh se qeveria duhet të ndërhyjë për të rregulluar tregun, ndërsa përmendi tregun agro-ushqimore në Tiranë, duke e cilësuar si monopol të pastër. Ai akuzoi pronarin e këtij tregu si të aftë për të sulmuar këdo që ndërhyn në biznesin e tij.
“Ky është abuzim, përtej inflancionit, që po gërryen xhepat e qytetarëve, por që po i sjell dëm kolosal bujqve. Problem që duhet merret ministra e financave, tatimet, ministria e Bujqësisë për të kontrolluar dhe goditur abuzimet në tregje, fillojini nga tregu agro-ushqimor i Tiranës, monopol i pastër, një gjobë që nuk lejohet të zbatohet sepse ai pronari atje e ka aftësinë të sulmojë këdo dhe ti mbyllë gojën kujtdo“, tha Braçe.
Kujtojmë se Braçe gjatë diskutimit të Buxhetit 2022 propozoi projektligjin e tij për këtë sector, i cili u hodh poshtë nga shumica.
Discussion about this post