Guardia di Finanza po shikon fitimet kapitale të Interit, por ka disa dallime me hetimin që përfshin Juventusin. Policia Financiare italiane ka kontrolluar të martën selinë e ‘Zikaltërve’
Zyra e Prokurorit Publik të Milanos, me urdhër të zëvendësprokurorit Giovanni Polizzi, ka hapur një hetim për dosjet e Inter pas një raporti të dërguar nga Guardia di Finanza, i cili sugjeroi se kishte disa kritika në pasqyrat financiare të klubit.
Zyra e Prokurorit Publik të Torinos hapi gjithashtu një hetim për Juventusin disa javë më parë. Disa drejtorë aktualë dhe ish-drejtorë të klubit janë hetuar, duke përfshirë presidentin Andrea Agnelli dhe nënpresidentin Pavel Nedved.
Nga ana tjetër, Interi ka sqaruar se asnjë prej drejtorëve të tyre nuk është aktualisht nën hetim.
“Asnjë punonjës i Interit nuk është nën hetim. Asnjë akuzë nuk u zyrtarizua. Siç bëhet e qartë në deklaratën e Prokurës, këto janë thjesht hetime paraprake”, -shkruan ata në një deklaratë zyrtare.
Mediat italiane raportojnë se si kërkimi i Guardia di Finanza në selinë e Interit ishte “thjesht eksplorues” dhe nuk ka përgjime telefonike që përfshijnë drejtorët e klubit në kundërshtim me ato të Juventusit.
Pak javë më parë, Prokuroria Publike e Milanos kishte hapur gjithashtu një hetim për super-agjentin Fali Ramadani mbi dyshimin për evazion fiskal dhe pastrim parash në disa transferime që përfshinin, ndër të tjera, Juventusin, Interin, Napolin dhe Milanin./K.T/Gijotina.com
Discussion about this post