Plot 46 medalje nga të cilat 17 ari, 7 argjendi dhe 22 bronzi arriti të fitonte Australia në këto Lojëra Olimpike, duke e renditur kështu në vendin e gjashtë.
Ndonëse tashmë kanë kaluar plot 8 ditë nga mbarimi i ‘Tokio 2020’ kampionët e këtij vendi janë duke e festuar fitoren e madhe në karantinë.
Australia ka vendosur një karantinë prej 28 ditësh për të gjithë pjesëmarrësit në Lojërat Olimpike, përfshirë edhe stafet shoqëruese të tyre.
Ky vendim ka acaruar sportistët të cilët kanë kërkuar që të rishihet vendimi në lidhje me karantinën e tyre.
“Ndërsa në vendet e tjera sportistët po festojnë triumfin e medaljeve ne jemi të detyruar të qëndrojmë në karantinë në Sidney. Kemi një trajtim të ashpër, që na ka zhgënjyer pa masë. Po i dënojmë sportistët tanë sepse përfaqësuan vendin e tyre në Lojërat Olimpike”,- u shpreh Presidenti i Komitetit Olimpik Australian, Matt Carroll./Gijotina.com
