Në foltoren e mbajtur sot në Korçë, një tjetër deputete i është bashkuar liderit historik të PD, Sali Berisha.
Bëhet fjalë për, Sorina Koti deputete e Partisë Demokratike e cila është njëkohësisht edhe Nënkryetare e Komisionit të Ekonomisë ka kërkuar që ish-kryeministri Sali Berisha t’i kthejë forcën kësaj partie.
E pranishme në Korçë, Koti tha se duhet të ketë një zgjidhje që PD-ja të rikthehet në partinë që ishte dikur.
“Është vërtetë pikë shumë e vështirë, po ju kërkoj ju si themelues i Partisë Demokratike, si një nga njerëzit që e keni udhëhequr këtë forcë, ju kërkoj të gjejmë një rrugëzgjidhje, një mënyrë për ta kthyer Partinë Demokratike në forcën e saj. Forca jonë është bashkimi, faleminderit doktor”- tha Koti.
Berisha tha se e vetmja zgjidhje është vota e lirë dhe se për këtë arsye ka kërkuar që të mblidhet Kuvendi Kombëtar i PD-së.
