Tre banorë të zonës së Prodanit rrezikuan të mbyteshin në ujërat e përroit Prodan – Gjonc këtë të martë në Kolonjë.
Mësohet se ata tentuan të kalonin përroin nga njëra anë në tjetrën me fouristradë, por rrjedha e madhe ka rrezikuar jetën e tyre, pasi e kanë pasur të pamundur të dalin nga automjeti që kishte ngecur në mes të ujit.
Ata kanë mundur të lajmërojnë shërbimin zjarrfikës të cilët kanë ndërhyrë për t’i shpëtuar.
Herë pas here në situata të rënduara me reshje të shumta shiu ka dalja të përrenjve të fshatrave të bashkisë së Kolonjës, ku ka patur situata të tilla, kjo në të shumtën e rasteve edhe për shkak të dëmtimit të urave nga prurjeve të shumta.
Discussion about this post