Vrasja e biznesmenit Ardian Nikulaj ka bërë bujë edhe në mediat britanike. “TheSun” ka shkruar për zbardhjen e vrasjes së ndodhur një javë më parë, duke përmendur se të dyshuarit kryesore janë shtetas britanikë.
Pa i përmendur emrat, edhe pse janë bërë me dije nga Policia shqiptare, “TheSun” shkruan se autoritetet lokale thuhet se janë duke u koordinuar me Agjencinë Kombëtare të Krimit në Mbretërinë e Bashkuar dhe Policinë Mjedisore pas atentatit, për kapjen e britanikëve.
Ardian Nikulaj, 50 vjeç, u vra me 7 plumb mesditën e 19 prillit nga portugezi Ruben Saraiva. Ky person, dyshohet se u porosit dhe financua nga Edmond Haxhia për të kryer vrasjen e biznesmenit të njohur në zonë, i cili po konsumonte kafe brenda lokalit të tij. Saraiva nuk ishte personi i vetëm ‘i punësuar’ nga Haxhia.
Ky i fundit kishte ‘punësuar’ edhe 4 persona të tjerë, britanikë: Harry Simson, Thomas Mithan, Steven Hunt dhe Harriet Bridgeman. Haxhia është djali i dajës së Elton Lekstakajt, i cili kishte një konflikt me Nikulajn që prej vitit 1996.
Ai ishte kthyer në Shqipëri prej disa muajsh dhe është marrë me të gjitha detajet e vrasjes së Nikulajt që nga motori deri te përgatitja e infrastrukturës së nevojshme.
Njërit prej britanikëve është kapur nga kamerat e sigurisë të hotelit ‘Coral’ në pronësi të Nikulajt në 11 prill ku po qëndronte duke vëzhguar lëvizjet e këtij të fundit, duke ia përcjellë të gjitha informacionet Saraivës.
Motivi i vrasjes është gjakmarrja. Përplasja mes fiseve Nikulaj dhe Lekstakaj e ka zanafillën në vitin 1996, ku konflikti nisi në një karburant në dalje të qytetit të Lezhës për 10 mijë lekë të vjetra.
Discussion about this post