Po kthehej nga puna, 43-vjeçarja shqiptare humb jetën në aksidentin tragjik

Një 43-vjeçare shqiptare ka humbur jetën pas një aksidenti tragjik në Santa Maria dell Focallo, në Itali.

Lidhur me ngjarjen bëhet me dije se burri dhe gruaja po udhëtonin me një automjet ti “Fiat Multipla” kur janë përplasur me murin e një vile që ndodhej aty pranë.

Nga ana tjetër, sipas asaj që u konstatua, dy bashkëshortët që udhëtonin me mjetin Multipla të drejtuar nga bashkëshorti i viktimës, janë përplasur me forcë me murin e shtëpisë.

Gjithashtu, mësohet se çifti po ktheheshin në shtëpi pas ditës së punës.

Më pas, në vendin e ngjarjes kanë mbërritur forcat e policisë dhe ambulanca, por gruaja kishte humbur jetën në vendngjarje.

Ndërsa, bashkëshorti i saj është transportuar në spitalin “Maggiore Nino Bagleri” në Modica.