Një ngjarje ka ndodhur mbrëmjen e djeshme në Vushtri të Kosovës, pasi një qytetari i cili ishte duke shkuar me taksi në Mitrovicë, një pasagjer tjetër me forcë dhe me përdorim të sprajtit ia ka grabitur 2,500 euro dhe disa dokumente personale. Grabitësi bashkë me taksistin më pas janë larguar në drejtim të paditur, detaj që tregon se grabitja ishte e planifikuar. Të riut që sapo kishte ardhur nga Gjermania ky rrugëtim i kushtoi afër tre mijë euro.
“Një person ka njoftuar policinë se pasi kanë hipur në një makinë taxi gjatë rrugës taksisti e ka ndaluar makinën për ta marrë edhe një udhëtar dhe i njëjti sapo ka hyrë në makinë u ka hedhur sprej syve viktimave dhe nga njëri prej tyre ka marrë me forcë portofolin ku kishte 2500 euro para dhe disa dokumente personale dhe pastaj në bashkëpunim me taksistin janë larguar me shpejtësi me makinën në drejtim të paditur. Viktimat kanë pranuar trajtimin mjekësor. Nuk raportohet për të arrestuar. Rasti po hetohet” – thuhet në njoftimin e Policisë së Kosovës.
Ky veprim nuk është e vetmja dëshmi që grabitësi dhe taksisti ishin bashkëpunëtorë. Pasagjeri i tretë në veturë kishte hipur pikërisht në vendin ku ndodhi grabitja, ndërsa pagesa parashihej vetëm për dy personat deri në destinacion. Ende nuk dihet se si grabitësi dhe taksisti e kuptuan se njëri nga pasagjerët kishte 2500 euro me vete.
Për rastin e grabitjes, policia sot prapë e ka ftuar për intervistë viktimën derisa i njëjti nuk ka pranuar të flas për RTV Dukagjinin rreth këtij rasti. Fakt tjetër që i shton dyshimet se grabitja ishte e planifikuar, sipas familjarëve të tij është edhe çmimi shumë i ulët të cilin taksi i kishte kërkuar këtij personi.
Discussion about this post