Po lahej në liqen, ndërron jetë 44-vjeçari në Pogradec

Një 44-vjeçar ka humbur jetën në liqenin e Ohrit, Pogradec.

Dyshohet se personi me iniciale J.S., mund të ketë humbur jetën si pasojë e arrestit kardiak në momentin që është futur për t’u larë në liqen.

“Më datë 29.06.2023, rreth orës 18:00, në fshatin Udënisht, Pogradec, në liqenin e Ohrit, shtetasi J. S., 44 vjeç, nga Shkupi i Maqedonisë së Veriut, në momentin që është futur në liqen për t’u larë ka ndërruar jetë.

Nga këqyrja paraprake e trupit të viktimës, nuk u konstatuan shenja dhune dhe dyshohet se ky shtetas mund të ketë ndërruar jetë si pasojë e arrestit kardiak.

Grupi hetimor po punon për zbardhjen e plotë të rrethanave dhe përcaktimin e shkakut të humbjes së jetës”, njofton policia.