Një qytetar ka denoncuar një rast të dyshuar të favorizimit në zbatimin e urdhrit për lirimin e hapësirave publike në kompleksin ASL, pranë Spitalit Neurologjik, nismë kjo e ndërmarrë së fundmi nga kryeministri Edi Rama.
Sipas denoncuesit, lokali “Dodo Playground”, i administruar nga vëllezërit Gazheli, nuk ka zbatuar urdhrin për çmontimin e tendave, ndryshe nga bizneset e tjera në të njëjtën zonë, të cilat kanë qenë subjekt i menjëhershëm i masave.
Qytetari pretendon se ky lokal është qëllimisht anashkaluar nga punonjësi i angazhuar për dokumentimin me fotografi, duke vonuar kështu procedurat për zbatimin e vendimit.
Në mbështetje të denoncimit, qytetari ka dërguar edhe një foto nga një kënd tjetër, për të treguar situatën aktuale dhe, sipas tij, për të vërtetuar trajtimin e pabarabartë në terren.
Ai i bën thirrje Inspektoratit të Mbrojtjes së Territorit (IMT) të veprojë menjëherë dhe në mënyrë të paanshme, duke zbatuar vendimin për të gjitha bizneset pa dallim. Në denoncimin e tij, qytetari aludon për lidhje të mundshme familjare mes administratorëve të lokalit dhe Gent Gazhelit, që sipas tij mund të kenë ndikuar në mungesën e veprimit ndaj këtij subjekti.
“Desha te bej nje denoncim ne lidhje me postimin e fundit per lirimin e hapsires publike ne kompleksin Asl nga vete Edi Rama. Prane spitalit neurologjik Nje nga lokalet (dodo playground) eshte mbuluar qellimisht nga punonjesi qe ka bere foton per ta zvarritur proceduren nderkoh qe gjithe lokalet e tjera kane cmontuar tendat. po ju dergoj nje foto nga nje kend tjeter per ta kuptuar me mire situaten. Do tiu lutesha ta postoni qe institucionet perkatese te marrin masa sa me shpejt pa favorizime. Faleminderit. Lokali ne fjale eshte i vellezerve gazheli. Mateo Gazheli me te vllain. Ata e kan. Te vetmin qe se kan prishur ne te njejten rruge drejt. Me duket se jane te lidhur me Gent Gazhelin”, thuhet në denoncimin e qytetarit për JOQ.
Discussion about this post