Një ngjarje e rëndë ka ndodhur në Montenero di Bisaccia në Itali, ku një 13-vjeçar teksa po luante me shokët e tij në park është goditur nga rryma elektrike e shkaktuar nga një shtyllë ndriçimi.
Nga mediat italiane mësohet se adoleshenti gjendet në koma dhe se goditja i ka shkaktuar plagë të mëdha.
Rryma elektrike i ka prekur shpatullën, duke i shkaktuar djegie të shkallës së tretë dhe fibrilacion ventrikular.
I transportuar pa ndjenja në dhomën e urgjencës të spitalit San Timoteo në Termoli, ai u intubua dhe u transferua menjëherë në njësinë e kujdesit intensiv pediatrik të spitalit të Foggias.
Ndërkohë gjendja shëndetësore e tij cilësohet ende e rëndë.
Shtylla e ndriçimit publik nga ku ka nisur shkarkimi elektrik është çaktivizuar dhe në prani të karabinierëve po kryhet ekspertiza.
Discussion about this post