Papa Françesku ka zhvilluar ditën e sotme një bisedë telefonike me presidentin ukrainas Volodymyr Zelensky, thuajse një muaj nga agresioni rus në Ukrainë.
Në njoftimin zyrtar thuhet se ishte ati i shenjtë që telefonoi Zelenskyn, ndërsa ky i fundit i ka bërë të ditur se Papa është mysafiri më i mirëpritur në Ukrainë.
“Vetëm pak minuta më parë Ati i Shenjtë telefonoi Presidentin Zelensky dhe pati një takim shumë premtues. Papa tha se po lutet dhe po bën gjithçka që është e mundur që lufta të përfundojë. Zelensky përsëriti se Shenjtëria e Tij është mysafiri më i pritur në Ukrainë”, thuhet në njoftimin zyrtar.
Discussion about this post