Shtetasi A. M banues në fshatin Izvor, Memaliaj është arrestuar ditën e sotme nga Policia e Memaliajt, pasi në bahçen e banesës ka tentuar të kultivojë bimë narkotike, të llojit kanabis.
Sipas informacioneve të siguruara, Shërbimet e Stacionit të Policisë Memaliaj, në vijim të kontrollit në territorit me qëllim parandalimin, evidentimin dhe goditjen e rasteve të tentativës për kultivim të bimëve narkotike, kanë konstatuar dhe goditur rastin konkrete të kësaj veprimtarie penale.
Gjatë kontrolleve policia konstatoi banorin se po mbillte kanabis në pronën e tij dhe menjëherë ka ndërhyrë duke e arrestuar atë. Mësohet se, materialet i kaluan Prokurorisë Pranë Gjykatës së Shkallës së Parë Gjirokastër për veprime të mëtejshme.
Policia në të gjithë vendin vijon me kontrollin intensiv të territorit edhe nga ajri, për të evidentuar dhe shkatërruar pikat ku kultivohet kanabis. Ndërsa bëhet me dije se, forcat policore kanë mundur të ndërhyjnë edhe në ato zona ku terreni është më i vështirë.
E.h/gijotina.com/
