Në betejën për të mbrojtur Ukrainën nga Putin, po pajisen me armë jo vetëm ushtarët por dhe anëtarët e Parlamentit. Mbrëmë, së bashku me shumë të tjerë, deputeti Oleksiy Goncharenko shkoi në selinë e policisë së Kievit për të marrë armën. Goncharenko nuk është dhe nuk ka qenë kurrë ushtarak në jetën e tij.
Ai është anëtar i Verkhovna Rada, parlamentit ukrainas dhe një nga shumë civilë që iu përgjigjën thirrjes së autoriteteve për t’u përgatitur për të mbrojtur vendin nga pushtimi rus.
“Unë nuk jam aspak ushtar profesionist, por mund të përpiqem dhe mund të bëj më të mirën dhe do ta bëj nëse forcat ruse hyjnë në Kiev,” tha ai për CNN.
Ministri ukrainas i Mbrojtjes Oleksiy Reznikov tha se 18,000 armë me municione u janë shpërndarë rezervistëve vetëm në rajonin e Kievit që nga fillimi i pushtimit rus të enjten.
Goncharenko nuk është rezervist ose anëtar i Forcave vullnetare të Mbrojtjes Territoriale. Në fakt, si deputet, ai nuk lejohet të bashkohet me forcat e mbrojtjes, sipas ligjit ukrainas.
“Ky është një ligj i kohës së paqes. Tani, kjo është një situatë e veçantë”, tha ai, duke shtuar se një numër i kolegëve të tij deputetë kanë marrë edhe pushkët.
Të premten në mëngjes, Goncharenko paketoi mori sendet e tij dhe u nis për në selinë e batalionit të tij të mbrojtjes lokale. Ai tha se vullnetarë si dhe ushtarë profesionistë po mblidheshin atje. Profesionistët ishin përgjegjës, bënin plane dhe u tregonin se çfarë të bënin. Me armë në dorë u shfaq sot në rrugët e Kievit edhe ish-presidenti Petro Poroshkenko.
Discussion about this post