Ende pa filluar mirë vjeshta, pak orë shi ka mjaftuar për të përmbytur Shkodrën dhe fshatrat përreth. Banorët në fshatin Bleran shprehen se uji ka hyrë brenda banesave të tyre duke shkatërruar gjithçka u ka dalë para.
Reshjet kanë shkaktuar dëme të mëdha duke shembur avllitë dhe trotuaret, si edhe duke përmbytur makina e banesa.
Një banore u shpreh se kishin frikë për jetën dhe fëmijët e tyre, pasi po mbyteshin në shtëpi për shkak të reshjeve të dendura.
“Në orën 3 të natës jemi përmbytur. 1 metër e gjysmë na ka ardhur uji brenda. Policia tha që s’kemi punëtor për të ardhur t’ju ndihmojnë.
Po mbyteshim së bashku me fëmijë brenda, ne s’kemi shtet. Makinat janë përmbytur, janë shembur avllitë. Fëmijët u tmerruan, të shohësh fëmijët të mbyten ujë dhe s’na ka ardhur njeri të na ndihmojë”, tregoi gruaja.
Discussion about this post