Thomas Brdaric do të qëndrojë në krye të Vllaznisë. Trajneri gjerman, i cili doli nënkampion në sezonin e parë në Superiore dhe mori Kupën e Shqipërisë, ka konfirmuar gjithçka në mediat lokale në Shkodër.
Më parë edhe sponsori Alban Xhaferi kishte thënë se 90 për qind Brdaric do të ishte në krye të kuqebluve edhe në vazhdim. Vetë tekniku gjerman, për “Autochtounos” në TV Rozafa, ka deklaruar:
“Ne kemi nisur të mendojmë për sezonin e ardhshëm, duke nisur nga Kupat e Europës. Po bëjmë planet për lojtarët që do të afrojmë në pikat ku skuadra ka nevojë”.
“A do të jem unë sërish në stol? Përderisa kemi nisur të bëjmë planet, padyshim që do të jem sërish në krye të kësaj skuadre”, shprehet Brdaric.
