Kryeministri Edi Rama ka komentuar sërish çështjen e inceneratorëve. Duke replikuar me komentuesit në Facebook, kreu i qeverisë i ka konsideruar akuzat ndaj qeverisë për këtë ngjarje si shpifësirë politike dhe akuza monstruoze, të cilat sipas tij do të treten njësoj si plehrat e Sharrës.
Rama shkruan se për këtë çështje është arrestuar një ish-ministër referuar Lefter Kokës, ndërsa duke dashur të largojë përgjegjësinë nga vetja, ai shton se çdo veprim është përgjegjësi individuale e individit.
Komentuesi: O njisho shif mor burrë se po ikin paratë tona po zhduken pa lënë gjurmë nëpër këto të ashtuquajtura incineratore …kush e shpiku në Shqipëri këtë mënyrë grabitje të parave tona …a e di ku është cudia me ju zoti kryeministër se ju njihni edhe hajdutin e xhepave dhe nuk njihni skemën e vjedhjes me këtë stil mafioze”, i shkruan komentuesi.
Edi Rama: Ato të “ashtuquajtura inceneratorë” janë impiante moderne trajtimi të mbetjeve, të cilat janë investime të mëdha për të shpëtuar zona të tëra të banuara nga plehrat, ndërkohë që këtu s’ka asnjë shpikje për të grabitur paratë e tua, po ka një shpifësirë politike shifrash marramendëse e akuzat monstruoze, ndërkohë që gangrenat mjedisore të plehrave si puna e Sharrës janë mbyllur dhe retë toksike të tymit nga djegia e tyre në natyrë janë zhdukur! Është arrestuar një ish-ministër me akuzën për marrje parash nga kompania dhe për këtë drejtësia do të thotë fjalën e saj patjetër, por kjo është çështje përgjegjësie individuale para ligjit! Kurse të thuash që na qenkan vjedhur qindra miliona euro, kur veprat janë aty e kur puna e bërë është para syve, e kur ato qindra miliona euro nuk janë hiç as fare as ashtu e as aq sa thuhen, kjo është një tymnajë të cilën faktet reale dhe procesi i nisur nga organet reale hetimore, përtej farsës së shpifur të vulëhumburve politikë, do ta tresin njësoj si tymnajat e plehrave të Sharrës!
Discussion about this post