Numri i qytetarëve që protestojnë vijon të jetë i lartë dhe sot është dita e gjashtë që ata i kërkojnë qeverisë që të ul çmimet. Një nga protestuesit i ka kërkuar Edi Ramës që të marrë masa dhe të kthejë në normalitet çmimet si për naftën edhe për ushqime, në të kundërt, sipas tij Rama duhet të largohej nga posti i kryeministrit dhe të linte dikë tjetër ta merrte në dorë situatën për zgjidhjen e krizës.
“Unë në profesion jam financier dhe e kuptoj kryeministrin sepse duke qenë se borxhi publik është shumë i lartë, nuk mund të ulen taksat sepse falimenton. Kërkesa ime është që taksat të shkojnë në nivelin e mëparshëm, nëse nuk e bën dot këtë, hap krahun dhe largohu. Sepse ka persona të tjerë të cilët mund të bëjnë këtë punë”, u shpreh ai. Kujtojmë se qeveria vazhdon të këmbëngul që ulje çmimesh nuk do të ketë, por pretendon se po harton një paketë sociale që do t’iu vijë në ndihmë qeverisë.
Discussion about this post