Vazhdon prej disa minutash protesta e thirrur nga Meta dhe Berisha para Kryeministrisë. Ndërsa numri i protestuesve vazhdon të shtohet, nuk kanë munguar edhe deklaratat e forta nga qytetarët prezent. Madje, një pjesë e tyre nuk kanë kursyer as ironinë, ku thonë se tani presin të taksohen edhe kur flenë gjumë me gruan e tyre. “Na ka ngel tani të paguajmë taksë edhe kur flemë me gruan. Tjetër gjë nuk na ka mbet. Turpi Zotit. Kryeministri më i dobët nuk mbaj mend ndonjëherë”, tha ai.
Ndërsa të tjerë janë shprehur se, çdo ditë po zhyten në varfëri pasi “qeveritarët po na rrjepin. Vetëm po na rrisin taksat çdo vit”.
Jemi vetëm pak minuta larg nisjes zyrtare të protestës së thirrur nga Opozita e bashkuar. Situata para selisë së qeverisë duket e qetë. Kryetari i Partisë Demokratike, Sali Berisha është shprehur se protesta do të jetë paqësore. Protesta pritet që të zhvillohet përpara kryeministrisë, në orën 16:00 ndërsa nuk dihet saktësisht se për sa orë do të vazhdojë. Policia e shtetit ka marrë masa për bllokim aksesh rrugore. Ambasada amerikane në Tiranë, u ka bërë thirrje qytetarëve që të shmangin grumbullimet dhe të qëndrojnë të përditësuar mbi zhvillimet më të fundit. Kryeministria është blinduar.
“Populli nuk mban më”, qytetarët: Të gjithë duhet të protestojnë
Discussion about this post