Deputeti Dashnor Sula ka bërë sot disa denoncime të forta ndaj qeverisë lidhur me kontrabandën e naftës. Ndërsa ka publikuar edhe një video të policisë nga momenti i një aksioni ku u bllokuan 80 mijë litra naftë të kontrabanduara, në portin e Durrësit, Sula thotë se ka prova që dëshmojnë abuzime të tilla nga qeveria. Ai u shpreh vetëm pak ditë më parë paraqiti me dokumente të institucioneve zyrtare, duke provuar sesi nga viti 2011 deri në vitin 2021 numri i automjeteve motorike gati ishte dyfishuar, ndërsa sipas tij sasia e naftës së importuar për konsum nuk ishte rritur as kishte qëndruar në të njëjtat nivele, por ishte ulur.
Ndërsa ka deklaruar se, pavarësisht manovra që u mundua të bëjë ministria me aktorët e saj, ditën e sotme në portin e Durrësit u bllokuan 80 litra naftë kontrabandë. Sula thotë se këto janë shkaqet që ne naftën tonë të Ballshit e blejmë me çmimin e importit.
“Pak ditë më parë me dokumente të institucioneve zyrtare provova sesi nga viti 2011 deri në vitin 2021 numri i automjeteve motorike gati ishte dyfishuar, ndërsa për habi sasia e naftës së importuar për konsum nuk ishte rritur as kishte qëndruar në të njëjtat nivele, por ishte ulur. Apelova organet ligj zbatuese që të marrin masa se disbalanca ku rritet numri i automjeteve dhe ulet sasia e naftës së importuar është indicie për një aferë të madhe me dëm ekonomik miliona euro për buxhetin e shtetit dhe xhepat e qytetarëve.
Në parlament ministrja Ibrahimaj me pirueta politike tentoi ta fshehte një skandal të tillë. Por mesa duket në këtë vend ka akoma njerëz të përgjegjshëm dhe i marrin seriozisht shqetësimet reale. Policia e Shtetit ka njoftuar sot se ka bllokuar një peshkarexhë me 80 mijë litra naftë të kontrabanduara, në portin e Durrësit dhe se kanë shpallur në kërkim 3 persona të cilët dolën në det me peshkarexhën pa njoftuar kapitenerinë e Durrësit”, shkruan ai. Ndërsa thekson më tutje se, është i bindur që ky rast është vetëm maja e majës së Iceberg-ut.
Discussion about this post