Ditën e sotme ka nisur sërish aksioni i paligjshëm i IKMT-së për të vijuar me shembjen e pishinës së dytë në “Prestige Resort”, duke alarmuar sërish pushuesit.
Të irrituar dhe me tone të ashpra, një pushuese pohoi se zhurma e madhe që bëjnë fadromat teksa ndërhyrjen për shembjen e pishinës, po i frikësojnë fëmijët. Ajo tha se mbesa e saj u zgjua duke qarë nga zhurma e fadromave.
“U zgjua fëmijë i lebetitur. U hodh fëmija përpjetë nga frika. E arritën qëllimin dhe na tromaksen. Sa dëgjoi fadromat nisi të qajë. Qelbësira. Turp e faqe e zezë”, tha pushuesja.
Inxhinieri Astrit Vila tha për News24 se IKM shkoi në 700 metra nga 450 metra që ishte përcaktuar që të shembej, ndërsa kërkoi që të vinin topografë nga ky institucion.
“Kanë bërë shkelje ligjore, keni shkelur ligjin që keni bërë vetë. Keni kaluar dyfish të prishjes së djeshme. Mos vazhdoni se do të mbani përgjegjësi ligjore. Po jua kërkoj me insistim. Bëni matje. ishte 450 metra ishte për t’u prishur. Ta matin dhe më pas të vazhdojnë. Kanë bërë shkelje me të dyja këmbët. Na kanë cënuar pronën, dhe e kanë prishur dyfishin e asaj që duhej të prishej”, tha inxhinieri.
Discussion about this post