Roland Bejko mendon se rezultati i zgjedhjeve lokale nuk ka ndonjë rëndësi të madhe edhe nëse PD renditet forcë e tretë, duke u mundur edhe nga Partia e Lirisë.
I ftuar në emisionin “Të Paekspozuarit” në MCN TV, Bejko tha se “jeta vazhdon” edhe pas një skenari të tillë dhe se partia do të vijojë punën për t’u rritur për zgjedhjet e vitit 2025…
Pjesë nga biseda në studio:
Armand Shkullaku: Nëse LSI, meqë thoni se Belindi është kandidat i LSI, merr më shumë vota se PD, ky është problem shumë i madh.
Roland Bejko: E ça pastaj? Jeta vazhdon! Sot je minorancë, nesër mazhorancë. Jeta poltike vazhdon.
Armand Shkullaku: Zhvejku ka thënë, njeriu mund të bëjë çfarë të dojë por nuk ka lezet. Çfarë ndodh nëse PD del forcë e tretë?
Roland Bejko: E ça pastaj? Do të vazhdojë të punojë që në 2025 të dalë forcë e parë. Erdhi i zoti (Berisha) e ndau PD-në në 400 copa, kemi thënë zotëri mos u kthe se e ndave PD-në.
Armand Shkullaku: Basha dha dorëheqjen sepse në 6 mars PD doli forcë e tretë, pas “Shtëpia e Lirisë”, që nuk e kishim dëgjuar ndonjëherë. Duhet të pranojmë faktin që Berisha është shumicë në atë parti.
Roland Bejko: Ai nuk është më në PD tani.
Armand Shkullaku: Nëse doni të bëjmë teatër pastaj… Jam dakord se si mund të rritet PD “euroatlantike” dhe ju si kandidat… Tani, keni si bosht të fushatës, Erion Valinë, apo do të synoni të dobësoni LSI-në dhe non-gratën brenda LSI-së? Kush do të jetë objektivi juaj?
Roland Bejko: Ta thashë. Jemi në këtë fushatë më fokus të qartë, t’ju heqim kthetrat nga Tirana këtyre që e kanë, të gjithë së bashku.
Armand Shkullaku: Pra Erion Veliaj?
Roland Bejko: Për mua Erion Veliaj dhe Këlliçi janë të punësuarit e shefave.
Armand Shkullaku: Ashtu marrim zotin Cako të na e shpjegojë….
Discussion about this post