Joshua Kimmich e ka pranuar publikisht se i vjen keq që nuk u vaksinua për Covid-19, pasi virusi i ka shkaktuar probleme në mushkëri.
Kimmich rezultoi pozitiv muajin e kaluar dhe nuk do të luajë më për ndeshjet e mbetura të këtij viti. Gjermani 26 vjeç-ar ende nuk është rikthyer në stërvitje të plotë.
“Ishte e vështirë për mua të përballesha me frikën dhe shqetësimet e mia, prandaj isha i pavendosur për kaq shumë kohë”, tha Kimmich, duke treguar arsyen pse nuk u vaksinua.
Futbollisti deklaroi se ishte më mirë dhe se ka plan të vaksinohet në të ardhmen.
Kimmich fillimisht u detyrua të izolohej në fillim të nëntorit pasi ra në kontakt me një rast pozitiv me koronavirus.
Ai nuk ishte i pranishëm ne humbjen 2-1 ndaj Augsburg dhe, pasi u infektua me virusin, nuk ishte në gjendje të luante në ndeshjet e Bundesligës kundër Arminia Bielefeld dhe Borussia Dortmund, plus ndeshjet e Champions League kundër Dynamo Kyiv dhe Barcelonës.
Discussion about this post