Policia e Durrësit ka vënë në pranga një 47-vjeçar pasi po tentonte të përgatiste një “shtëpi bari” në banesën e tij. Mësohet se, policia ka arrestuar Paulin Lleshaj, 47 vjeç.
Sipas njoftimit të policisë, Lleshaj kishte krijuar një ambient për kultivimin e lëndëve narkotike në katin e tretë të banesës së tij. Gjatë kontrollit në banesë, punonjësit e Policisë, gjetën dhe sekuestruan në cilësinë e provës materiale, 4800 fara Cannabis Sativa, një sasi lënde narkotike, 23 llamba dhe 22 kondensatorë, si dhe pajisje të tjera që do të shërbenin për kultivimin e kanabisit, me anë të llambave.
Materialet i kaluan Prokurorisë pranë Gjykatës së Rrethit Gjyqësor Durrës, për veprën penale “Kultivimi i bimëve narkotike”, e mbetur në tentativë.
Discussion about this post