Deputeti demokrat, Tritan Shehu ka bërë sot një denoncim, ndërsa pohoi se në Mamaliaj po dëmtohet procesi i votimit, po ashtu dhe në Dropull.
Ai ka pohuar se në shumë qendra nuk punon pajisja e identifikimit elektronik. Kujtojmë se sot qytetarët do të zgjedhin 61 kryebashkiakët e rinj.
“Po dëmtohet në Memaliaj procesi i votimit! Edhe në Dropull! Duke i ‘përzënë’ votuesit!
Pajisjet teknike nuk funksionojnë në Levan, Kalivac, Maricaj dhe në tre qendra në qytetin e Memaliajt, si dhe në Pogon, Catiste, Goranxi të Dropullit! Nuk ka asnjë asistencë teknike!
Kërkohet të pritet tre ore, përpara se të ndryshojë mënyra e identifikimit të votuesve. Kohë e mjaftueshme kjo për të ‘përzënë’ votuesit që po presin!
I bëj thirje KQZ të vendosë menjëherë normalitetin në votim! I bëj thirje votuesve të nderuar: Të qëndrojne për të votuar, të mos largohen pa votuar! Kjo është në interesin e tyre, të Memaliajt, Dropullit, të të gjithëve e kudo!”, shprehet Shehu.
Discussion about this post