Një atentat mafioz është shënuar në veri të Ekuadorit, ku në shënjestër është vënë një shqiptar. Ergys Dashi, 34 vjeç, me origjinë nga qyteti i Durrësit është qëlluar me breshëri plumbash. Ngjarja e rëndë raportohet të ketë ndodhur në kryqëzimin që ndan rrugët Avenue José Joaquín Orrantia, e Mall del Sol, në veri të Guayaquil të Ekudorit.
Mediat ekuadoriane shtojnë se Dashi ishte i ulur në një bar kafe, kur rreth orës 19:00, atentatorët e pikasën. Të dy u futën brenda lokalit duke iu shmangur edhe stafit që u kërkoi certifikatën e vaksinimit. Njëri mbante një buqetë me lule në duar, ndërsa tjetri nxorri armën dhe qëlloi me breshëri drejt 34-vjeçarit shqiptar duke e lënë të vdekur.
Discussion about this post