Rusia ka hedhur disa akuza të forta ndaj Ukrainës, ku pretendon se dhe kjo e fundit kishte planifikuar një sulm ndaj separatistëve pro-rusë. Ministria e Mbrojtjes së Rusisë ka bërë të ditur se ka marrë disa dokumente sekrete, ku në to thuhej se Kievi kishte planifikuar që të sulmonte ndaj separatistëve në Ukrainën lindore.
Sipas agjencisë së lajmeve “Reuters”, ministria ka publikuar gjashtë faqe dokumente që “dëshmojnë” se Kievi po planifikonte një sulm ushtarak në rajonet rebele të mbështetura nga Rusia në Donbas. “Reuters” thotë gjithashtu se nuk mund të verifikojë në mënyrë të pavarur dokumentet, të shkruara në gjuhën ukrainase, të cilat duket se përshkruajnë përgatitjet luftarake për njësitë ushtarake taktike.
Ndërkohë kujtojmë se muajin e kaluar, presidenti Putin njohu dy rajone të mbështetura nga Rusia në Ukrainën Lindore, Republikën e vetëquajtur Popullore të Donetsk dhe Republikën Popullore të Luhanskut, si shtete të pavarura. Pak më vonë, ai urdhëroi trupat në të dy rajonet, përpara se të fillonte lufta në Ukrainë.
Discussion about this post