Po punonte në një godinë, 54 vjeçari nga Elbasani bie nga lartësia

Një ngjarje e rëndë ka tronditur fshatin Bradashesh, në qytetin e Elbasanit, ku një punonjës ka rënë nga lartësia.

Mësohet se shtetasi L.B, 54 vjeç ishte një punonjës i një firme ndërtimi, i cili dyshohet se gjatë punës për rikonstruksionin e një godine ka rënë nga lartësia.

54 vjeçari është trasnportuar menjëherë për në spital dhe ndodhet nën kujdesin e mjekëve.

Grupet hetimore po punojnë për përcaktimin e rrethanave dhe dokumentimin me prova ligjore të rastit në fjalë.