Ish-kryeministri dhe kreu aktual i PD-së, Sali Berisha po zhvillon një takim me intelektualë dhe banorë të zonës së Ersekës, nga ku nuk kurseu akuzat ndaj kryeministrit Edi Rama, i cili sipas tij po shndërron Shqipërinë në një vend vasal të Beogradit me projektin “Ballkani i Hapur”.
“Sot, me efekte shkatërrimtare për Kolonjën e Shqipërinë, ai që është sot në Tiranë, po bën gjithcka me ‘Ballkanin e Hapur’ për ta shndërruar si thotë Aleksandër Vuciç Jugosllavinë e vjetër plus Shqipërinë.
Ndodhemi në një moment kritik. Unë e di se jo të paktë janë ata që thonë ne kemi halle të tjera më të mëdha se këto.
Kjo nuk është e drejtë se për cdo njeri të qytetëruar nuk ka interes më jetik se sa interesi kombëtar.
Shqipëria do eci vetëm nëse e duam, fëmijët tanë do jenë zotër të këtij vendi vetëm nëse i mëkojmë me dashurinë për këtë vend. Nuk e do kombin ai që do ta kthejë vasal të një shteti tjetër”.
Berisha zbuloi se “në Beograd po eksportohen plehrat kimike të oligarkëve të Ramës”.
“Janë rritur eksportet me Serbinë 30%, por 20% janë eksportet e plehrave kimike të depozituara në Shqipëri e cmime të larta, fermerët nuk i kanë blerë dot dhe rieksporetohen. Kurse importet serbe në Shqipëri janë rritur me 250%”.
Discussion about this post