Masivi i gështenjave në Tropojë vijon të jetë në pushtetin e flakëve. Pamjet janë publikuar nga deputeti i Partisë Demokratike Isuf Çelaj. Ai thekson se me të gjithë angazhimet e pandërprera të banorëve të zonës është e pamundur që të ndalojnë flakët që kanë përfshirë këtë masiv.
Ligjvënësi i bën apel institucioneve shtetërore që të marrin masa urgjente.
“?Vazhdon edhe tani në këto momente zjarri në masivin e gështenjave në fshatrat Gri e Gegëhysen të Tropojës!
❗️Me gjithë angazhimet e pandërprera të banorëve të zonës është e pamundur që të ndalojnë flakët që kanë përfshirë këtë masiv!
?Ky zjarr po ju kërcënon shtëpitë dhe pronat e tyre, dëmi i shkaktuar prej zjarrit është i pa llogaritshëm edhe ndaj mjedisit natyror!
❗️Gështenja është pemë e bekuar prej Zotit dhe u ka shërbyer dhe u shërben këtyre banorëve për tu ushqyer si një pasuri e çmuar në shekuj!
?Thirrja për institucionet shtetërore që të marrin masa urgjente e t’ju shkojnë në ndihmë këtyre banorëve të lënë në harresë nga shteti i tyre!
❗️Është obligim ligjor mbrojtja e pasurisë natyrore banesave të këtyre banorëve! ???”, shkruan Çelaj.
Discussion about this post