Kandidati i Partisë Demokratike për bashkinë e Durrësit, Luan Hoti po tregohet mjaft aktiv me fushatën elektorale të 6 marsit. Në një postim në Facebook, kandidati i PD akuzon kryetaren e Bashkisë së Durrësit Emirjana Sakon dhe paraardhësin e saj Vangjush Dako se po rrisin taksat, ku qytetarët do paguajnë 30 mijë lekë më tepër, ndërsa bizneset detyrohen të paguajnë 50 mijë lekë më tepër.
“Durrësi ka nevojë për një kryetar bashkie që u shërben vetëm durrsakëve dhe jo interesave që nuk kanë lidhje me qytetin tonë. Koha e vendimeve klienteliste dhe të pakonsultuara me qytetarët dhe grupet e interesit, merr fund në 6 mars. Unë do të jem në krahun tuaj dhe së bashku do të marrim të gjitha vendimet e rëndësishme për të ardhmen e Durrësit. Ky do të jetë ndryshim i vërtetë që do t’i kthejë normalitetin dhe krenarinë qytetit tonë”, shkruan ai.
Hoti shton se dyshja Sako-Dako duhet të largohen nga bashkia e Durrësit, ndërsa vetë premton se do të jetë në krah të qytetarëve dhe se koha e vendimeve klienteliste duhet të përfundojë.
Discussion about this post