Mesfushori i Dinamo Moskës, Arsen Zakharyan është një nga lojtarët që Real Madridi ka nën vëzhgim si një përforcim të mundshëm. Si një nga talentet e mëdha të futbollit lindor, lojtari ka bërë një paraqitje të mirë këtë sezon.
Rusi, i cili është 18 vjeç dhe shquhet për kontrollin e shkëlqyer të topit, ka shënuar katër gola dhe ka dhënë shtatë asiste në gjithsej 18 ndeshje në të gjitha garat.
Skautët e Madridit kanë qenë nën vëzhgimin e tyre për disa muaj dhe madje një delegacion nga klubi do të kishte udhëtuar në kryeqytetin rus për të nisur raundin e parë të negociatave, sipas Championat.
Negociatat do të drejtoheshin nga ish-drejtori sportiv i Real Madridit, Pedja Mijatovic dhe përfaqësuesi i Luka Modric, Vlado Lemic. Ky dhe një agjent tjetër, Srdjan Jeremiç, udhëtuan nëntorin e kaluar për të diskutuar me përfaqësuesit e Zakharyan.
Discussion about this post