Sot 28 deputetë të opozitës paraqitën në Kuvend kërkesën, sipas të cilës, Gazment Bardhi është kryetari i Grupit Parlamentar të PD-së.
Por kjo kërkesë u anashkalua nga drejtuesja e seancës Ermonela Felaj, edhe pse në praktikat e vendosura po nga socialistët, drejtuesit e seancave plenare kanë lexuar çdo letër që paraqiste Lulzim Basha, ku njoftonte kush do ishte kryetar i grupit apo kë autorizonte ai për të drejtuar grupin.
Dhe nisur nga situate parlamentare, analisti Andi Bushati, përmes një postimi në rrjet e cilëson si qesharake mënyrën se si po sillen deputetët e mazhorancës për të mos njohur si grup 43 deputetë të opozitës. Madje Bushati shkruan se me këtë sjellje po i nxjerrin bojën edhe drejtësisë së re që hiqet e si e pavarur.
“Mënyra qesharake se si po sillet parlamenti, për të mos njohur si grup PD-je, atë me 43 deputetë, po i nxjerr bojën edhe drejtësisë së re, që hiqet si pavarur për të gjykuar se kujt i takon vula. Në fakt edhe i pari dhe e dyta veprojne me regji”, shkruan Andi Bushati.
Discussion about this post