Po transportonin 67 kile kokainë, arrestohen katër shqiptarë në Greqi

Policia greke ka arrestuar katër shqiptarë, pasi u kapën duke transportuar 67 kile kokainë të ndarë në 48 pako.
Mediat greke bëjnë me dije se arrestimi i shqiptarëve ka ndodhur mbrëmjen e së shtunës, 30 korrik në qytetin e Igumenicës.
Raportohet se policia greke ka lokalizuar mbrëmjen e së shtunës dy makinat në të cilat po udhëtonin autorët, dhe i ka ndaluar për kontroll.
Gjatë kontrollit brenda njërës makinë u gjetën 48 pako me kanabis të papërpunuar me peshë totale 66 kg e 690 gram.
Dy automjetet janë sekuestruar nga policia së bashku me 2190 euro dhe shtatë aparate celularë, të cilat iu gjetën autorëve, ndaj të cilëve është ngritur një dosje për import, transport dhe trafikim të lëndëve narkotike në Prokurorinë e Rrethit Thesproti.`