Tre persona kanë rënë në prangat e policisë së Lezhës pasi janë kapur me 11 kg kanabis në formë çokollate. Në pranga përfunduan Përparim Rrgalla, Izmir Hebovija dhe Mirash Dushku
Mësohet se droga ishte e ndarë në 84 pako ndërsa po transportohej në mjetin që drejtohej nga Hebovija ndërsa shoqëroheshin nga një tjetër mjet.
Në cilësinë e provës materiale u sekuestruan 84 pako lëndë e dyshuar narkotike në formë çokollate me peshë totale rreth 11 kilogramë, 2 automjete dhe 5 aparate celulare.
Materialet procedurale iu referuan Prokurorisë pranë Gjykatës së Shkallës së Parë Lezhë, për veprime të mëtejshme, për veprën penale “Prodhimi dhe shitja e narkotikëve”, kryer në bashkëpunim.
Discussion about this post