Dy persona kanë rënë në prangat e policisë pasi u kapën duke transportuar pesë emigrantë të paligjshëm. Mësohet se, këta persona në bashkëpunim me njëri-tjetrin, kryenin transportin e emigrantëve të paligjshëm, nga Saranda drejt Tiranës, e më pas në drejtim të Kukësit, me qëllim kalimin në Kosovë me destinacion final vendet e BE-së.
Këta persona janë kapur duke transportuar me një mjet taksi, pesë emigrantë që kanë hyrë në Shqipëri në mënyrë të paligjshme nëpërmjet kufirit me shtetin grek, të cilëve iu kishin premtuar kalimin drejt vendeve të BE-së, kundrejt pagesës.
Në vijim të veprimeve u proceduan penalisht dhe 5 emigrantët e huaj, për veprën penale “Kalim i paligjshëm i kufirit shtetëror”.
Materialet procedurale i kaluan Prokurorisë së Rrethit Gjyqësor Tiranë, për veprat penale “Ndihma për kalim të paligjshëm të kufijve”, kryer në bashkëpunim dhe “Kalimi i paligjshëm i kufirit shtetëror”.
Discussion about this post