Policia e Pogradecit, ka vënë në pranga një burrë, ndërsa bashkëshortja e tij është nën hetim për transport të emigrantëve të paligjshëm.
Gjatë operacionit të koduar “Perimetri 181” në aksin rrugor Pogradec-Prrenjas, i kanë bërë shenjë ndalimi automjetit tip “Nissan”, me drejtues shtetasin S. D. dhe pasagjere bashkëshorten e tij, shtetasen E. Ll.
Gjatë kontrollit të makinës u gjetën 6 emigrantë të paligjshëm, të cilëve shtetasi S. D., u kishte premtuar kalimin drejt vendeve të BE-së, kundrejt shpërblimit.
Materialet i kaluan Prokurorisë pranë Gjykatës së Rrethit Gjyqësor Pogradec, për veprën penale “Ndihma për kalim të paligjshëm të kufijve”.
Discussion about this post