Kryeministri i Kosovës Albin Kurti është takuar sot me përfaqësuesin e lartë të Bashkimit Europian Josep Borrel dhe atë të Posaçëm, Miroslav Lajçák.
Gjatë mbledhjes u diskutua edhe për zhvillimet e fundit në vend duke mos theksuar detaje se çka specifikisht u fol për këtë çështje.
“Duke biseduar për zhvillimet e fundit në veri të vendit, Kryeministri Kurti ritheksoi se Qeveria e Republikës së Kosovës ka treguar vendosmërinë për sundimin e ligjit. Si dhe përkushtimin në ruajtjen e paqes dhe sigurisë në vend”, thuhet në njoftimin e Qeverisë së Kosovës.
Në takimin e Kurtit me Borellin e Lajçakun morën pjesë edhe Zëvendësministri i Punëve të Jashtme dhe Diasporës, Kreshik Ahmeti dhe këshilltarët e Kryeministrit, Jeton Zulfaj dhe Fisnik Korenica.
Kryeministri Kurti theksoi elementet e kornizës së marrëveshjes për normalizimin e plotë të raporteve me njohjen reciproke në qendër, ndërsa tha se propozimi franko-gjerman, që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne, shërben si bazë e mirë për diskutime të mëtejshme.
Discussion about this post