Nga Ariglon Pali
Teksa Shqipëria është pushtuar nga ethet e fushatës për zgjedhjet bashkiake të 14 majit 2023, vëmendja kryesore sigurisht që është në kryeqytet, Erion Veliaj apo Belind Këlliçi? Kjo është dilema e madhe.
Kjo fushatë ka përkuar njëkohësisht edhe me muajin e madhërishëm të Ramazanit, ku besimtarët myslimanë mbajnë agjërim 1 muaj dhe sot ata festojnë Fitër Bajramin.
Që prej fillimit të Ramazanit më 23 prill dhe deri ditën e sotme, Veliaj ka postuar plot 22 herë në lidhje me Ramazanin apo me inaugurimin e xhamive.
Duke parë postimet e shpeshta që kryebashkiaku ka bërë në këtë muaj, lind pyetja: Mos vallë Lali Eri është kthyer në mysliman dhe ne nuk e dimë? A e fali sot ai namazin e Bajramit në sheshin “Skëndërbej” së bashku me besimtarët e tjerë?! Apo e gjithë vëmendja që ai ktheu te myslimanët në këtë muaj ka qenë vetëm për vota.
Dikur William Shakespeare do të thoshte: Për interesat e vetë, edhe djalli mund të citojë Biblën.
Ne, fatkeqësisht e kemi parë ndër vite se çfarë mund të bëjnë shqiptarët për të marrë vota dhe kur vjen puna te Veliaj duhet të pritet gjithçka.
Ashtu siç mashtron çdo ditë për 1 milion pemët e mbjella në Tiranë, ashtu siç mashtroi në 2013-ën me fushatën e tij kryesore që kishte për ndalimin e pallateve dhe tashmë del studio më studio dhe pa pikë turpi i shet ato si suksese dhe ndërtime që duhen bërë me patjetër dhe të nevojshme.
Çdo Krishtlindje dhe Pashkë, lalin e kemi më “katolik se Papa”, ndërsa sot deri në darkë (sepse akoma nuk ka përfunduar saga e tij me Bajramin ) do e kemi “Kryeimam”, vetëm se do prisni edhe pak sa të montohet kronika uniformë dhe t’u sërviret të gjitha mediave që i servilosen çdo ditë.
Discussion about this post